追蹤
婉子的輕狂心事
關於部落格
婉子喜歡美食,鍾意獨一無二的東西,更享受發白日夢的幸福
  • 26550

    累積人氣

  • 1

    今日人氣

    0

    追蹤人氣

向柏林出發!

由慕尼黑到柏林大約有600公里,大約300公里之後就會越過舊東西德邊境,你會感覺到變化,因為東德公路質素係明顯差啲!


去柏林既路上都算好悶,可以話係「一條大路通柏林」,我同湯馬分揸600公里既路程,好似我咁懶既人,可以响中線將自動時速控制較到160km/h,就乜都唔洗理。但好似湯馬依的心急人,又可以玩玩爬頭再爬頭!


响巴伐利亞州有好多種啤酒花(Hops)既田


因為公路餐廳既嘢太難食,所以我哋寧願去啲小村仔度食午餐,我哋求其去咗一個叫Schnaitach既地方,嗰度有好多間意大利餐館,我哋揾咗其中一間食咗一個出奇好食既午餐!
婉子:海鮮意粉 湯馬:牛油朱扒配大量薯條


一路上仲會經過一個軍事練習場,附近不時會睇到美軍既車


要入油啦!當然仲要幫餅碎換片,同佢行吓,同埋掃零食啦!


睇到東德公路路面嗎?通常都係用爛咗先修理,所以一撻撻咁。而响東德亦都好容易睇到風力發電既風車群。


下午茶~!湯馬急不及待要食返一口東德味,响公路旁既休息區要買腸食,一條腸既價錢竟然係慕尼黑既一半!!而且非常好味呢~!


六小時之後就到達目的地一號 ~ Grünheide!

相簿設定
標籤設定
相簿狀態