追蹤
婉子的輕狂心事
關於部落格
婉子喜歡美食,鍾意獨一無二的東西,更享受發白日夢的幸福
  • 26547

    累積人氣

  • 0

    今日人氣

    0

    追蹤人氣

懶洋洋的婉子

一來因為湯馬剛剛送咗一部PSP俾我,我就開始不停打機,同埋下載啲戲落去睇,PSP真係一部超級無敵既發明呢!又可以打機、聽mp3、睇相、上網,仲可以睇戲呢,今日去診所等睇醫生時,可以一邊睇Harry Potter第四集,一邊等呢!

二來因為湯馬攞咗一個禮拜病假,有咗佢响屋企,就分擔咗照顧餅碎既工作,所以我都珍機會休息吓,只係保持屋企整齊就算,一日幾餐都差唔多都係由湯馬負責,唔好話我衰呀!因為佢有病假既原因係因為工作壓力大,影响血壓,所以家庭醫生要佢休息一星期,去放鬆一吓。

三來因為春天既來臨,我既花粉敏感証又發作,因為我對好多植物同菌類都有問題,所以唔理好天定落雨,我都唔太舒服。好天時,啲陽光會令我眼痛同埋眼瞓;落雨天時,我就不停打乞嚏加喉嚨痛。依個病,係我德國最大既「得着」!!我今日去睇咗家庭醫生,佢只可以俾啲藥同眼藥水我「吊命」,我要等到秋天,先至可以去慕尼黑敏感証科專門中心,揾專科醫生根治。

四來因為德國既四月天氣超唔穩定,一日可以有齊四季。一早起身天朗氣清,陽光普照;轉個頭竟然天灰灰,先落冰雹,再落狂風大雨;再轉個就又再出太陽,當你計劃去曬太陽時,佢就又落雨....................!係真架!電台天氣報告成日只係簡單一句「四月天氣」就完。我好憎四月除咗天氣唔穩定,連温度都係,真係完全唔知出街點着衫好...............!!
相簿設定
標籤設定
相簿狀態